ပထမတန်းကို စာမေးပွဲမစစ်ဘဲ တစ်ဦးမကျန် အတန်းတင်ပေးမည်ဟုဆို

Published: Jan 13


အခြေခံပညာ ပထမတန်း ကို စာမေးပွဲမစစ်ဆေးဘဲ တစ်ဦးမကျန် အတန်းတင်ပေးမည်ဟု မြန်မာနိုင်ငံ စာစစ်ဦးစီးဌာန ညွှန်ကြားရေးမှူးချုပ် ဦးမျိုးညွန့်က ပြောသည်။ပထမတန်း(Grade-1) ကျောင်းသား၊ ကျောင်းသူများ၏ မြန်မာစာအရေး၊ အဖတ်နှင့် သင်္ချာ တတ်မြောက်မှုကို စာမေး ပွဲကျင်းပစစ်ဆေးခြင်းမလုပ်ဘဲ စာသင်ခန်းတွင် သင်ကြားသင်ယူ စဉ် အတန်းပိုင်ဆရာက အကဲဖြတ်ခြင်းမျိုးဖြင့်သာ စစ်ဆေးရန်၊ တစ်နှစ်လုံးသင်ကြားခဲ့သည့် သင်ခန်းစာများကို တစ်နှစ်နှစ်ကြိမ် ပြန်လည်လေ့ကျင့်စေခြင်းဖြင့် စစ်ဆေးရန် ပထမတန်းသင်ရိုးသစ် သင်ပြနည်းသင်တန်းပေးစဉ် ကပင် ဆရာ၊ ဆရာမများကို ပြောကြားထားသည်ဟု ၎င်းက ဆိုသည်။ဆရာ၊ ဆရာမများသည် ပထမတန်း(Grade-1) ကျောင်းသား၊ ကျောင်းသူများ၏ စစ်ဆေးအကဲဖြတ်ရလဒ်များကို စနစ်တကျ မှတ်တမ်းတင်ထားပြီး တတ်မြောက်မှု အခြေအနေကို တစ်နှစ်လျှင် နှစ်ကြိမ်မိဘများထံ အစီရင်ခံစာပေး ပို့ကာ တစ်နှစ်လျှင် အနည်းဆုံး တစ်ကြိမ် မိဘများနှင့် တိုင်ပင် ဆွေးနွေးရန် မြန်မာနိုင်ငံ စာစစ်ဦးစီးဌာနက ဇန်န၀ါရီ ၁၁ ရက်စွဲ ဖြင့် အခြေခံပညာဦးစီးဌာနသို့ အကြောင်းကြားစာ ပေးပို့ထားသည်။ယခု ၂၀၁၇-၁၈ ပညာသင် နှစ်တွင် ပထမတန်းကို သင်ရိုး ညွှန်းတမ်းအသစ်ဖြင့် စတင်သင်ကြားနေပြီး သင်ရိုးညွှန်း တမ်းအသစ်အရ ကျောင်းသားများ၏ တတ်မြောက်မှုကို စာမေးပွဲဖြင့် မစစ်ဆေးဘဲ ဆရာ၊ ဆရာမ များက ပညာသင်နှစ်စကပင် ကျောင်းသားတစ်ဦးချင်း၏ တတ် မြောက်မှု အခြေအနေအရည်အ ချင်း မှတ်တမ်းကို ပုံမှန်ဖြည့်သွင်း ထားရန် ညွှန်ကြားထားသည်။သင်ရိုးညွှန်းတမ်း အသစ်များဖြင့် သင်ကြားနေသော သူငယ်တန်းနှင့် ပထမတန်းတွင် ကျောင်းသားများ၏ တတ်မြောက်မှုကို စာမေးပွဲ စစ်ဆေးရန် မလိုအပ်ကြောင်း၊ စစ်ဆေးပါက အရေးယူမည်ဖြစ်ကြောင်း အခြေခံပညာဦးစီးဌာနက ပြီးခဲ့သည့် ဇူလိုင်က ညွှန်ကြားထားသည်။

Duwun